.संक्षेपमा.
- यो वर्षको मूख्य थिम ‘शान्ति’, विभिन्न नेपाली समुहहरू पनि सहभागी।
- स्थानीय, अर्गानिक, र फेयरट्रेड (उचित व्यापार) उत्पादनहरूलाई प्राथमिकता।
- महोत्सवका सम्पूर्ण खाद्य परिकारहरू शाकाहारी वा भेगन।
सन् २०२५ को विश्व गाउँ महोत्सव अर्थात् World Village Festival ३० औं वार्षिकोत्सव मनाउँदै भव्य रूपमा सम्पन्न भएको छ। मे २४ र २५ तारिखमा हेलसिन्कीस्थित सुभिलाह्तीमा सम्पन्न महोत्सवको मुख्य थिम ‘शान्ति’ रहेको थियो।
महोत्सवमा अन्तर्राष्ट्रिय तथा स्थानीय कन्सर्टहरू, शान्तिसम्बन्धी वार्तालाप तथा छलफल, बालबालिकाका कार्यक्रम, कार्यशाला, कला र अन्य अनुभव साटासाट गर्ने कार्यक्रमहरू समेटिएको थियो। विभिन्न नेपाली समुहहरूको पनि महोत्सवमा उपस्थिती थियो। नेपाली कलाकारहरूले नृत्य पनि प्रस्तुत गरेका थिए।
महोत्सवले स्थानीय, अर्गानिक र उचित व्यापार (फेयरट्रेड) उत्पादनहरूलाई प्राथमिकता दिएको थियो। सोही अनुरूप महोत्सवका सम्पूर्ण खाद्य परिकारहरू शाकाहारी र भेगन थिए। यसका अतिरिक्त महोत्सवले स्थानीय, अर्गानिक र फेयरट्रेड उत्पादनहरूलाई विशेष प्राथमिकता दिएको थियो।
‘शान्ति’ विषयवस्तुमा आधारित रहेर फिनल्याण्ड र विश्वका विभिन्न क्षेत्रबाट आएका वक्ता र सहभागीहरूले २४ वटा वार्ता तथा छलफल कार्यक्रममा भाग लिएका थिए। यी छलफलमा युद्ध, द्वन्द्व र अन्यायको व्यक्तिगत अनुभव भएका व्यक्तिहरूको पनि सहभागिता थियो। संगीत र छलफलका अतिरिक्त, महोत्सवमा कला, खेलकुद, नृत्य, टेरेस पार्टी र बालबालिकाहरूका लागि विभिन्न कार्यशाला तथा गतिविधिहरू सहितको ‘किड्स कर्नर’ पनि रहेको थियो।
महोत्सवको केन्द्रमा एक व्यापार मेला रहेको थियो, जहाँ गैरसरकारी संस्थाहरू, सडक खाद्य विक्रेताहरू, बजार विक्रेताहरू र अन्य संस्थाहरूले शान्ति र राम्रो संसारका लागि आफ्ना कामहरू प्रदर्शन गरेका थिए। उनीहरूले नैतिक उत्पादनहरू र विश्वभरका स्वादिष्ट परिकारहरू बिक्री गरे।
बहुसांस्कृतिक खाना, संगीत र विचारोत्तेजक छलफलहरू यो महोत्सवका मुख्य आकर्षण हुन्
विगतका संस्करणहरूमा जस्तै केही कार्यक्रमहरू अनलाइनमार्फत प्रत्यक्ष प्रसारण गरिएको थियो।
वर्ल्ड भिलेज फेस्टिभल अर्थात् विश्व गाउँ महोत्सव हेलसिन्कीमा लामो समयदेखि आयोजना हुँदै आएको एक प्रतिष्ठित कार्यक्रम हो। यो सामान्यतयाः हरेक वर्ष मे महिनामा आयोजना गरिन्छ र यसले विभिन्न संस्कृति, कला, र सामाजिक मुद्दाहरूलाई एकै ठाउँमा ल्याउने गर्दछ। यसले दिगो विकास, मानव अधिकार, र शान्ति जस्ता विषयहरूमा बहस र जागरण ल्याउन महत्त्वपूर्ण भूमिका खेल्दै आएको छ। यसअघिका महोत्सवहरूमा पनि हजारौं मानिसहरू सहभागी हुँदै आएका छन्। बहुसांस्कृतिक खाना, संगीत र विचारोत्तेजक छलफलहरू यो महोत्सवका मुख्य आकर्षण हुन्।
