.संक्षेपमा.
- सर्वोच्च प्रशासनिक अदालतको निर्णय पछि कम्पनीले नयाँ मोडल प्रस्ताव गर्यो।
- कामदारले कर्मचारी बन्दा कुल कमाइको ६५% मात्र पाउने।
- यो निर्णयबाट फिनल्यान्डमा कार्यरत १०,००० भन्दा बढी डेलिभरी कामदार प्रभावित हुने।
फिनल्यान्डको प्रमुख फुड डेलिभरी कम्पनी वोल्टले आफ्ना डेलिभरी कर्मचारीहरूलाई दुई किसिमको रोजगारी मोडलको विकल्प दिने योजना सार्वजनिक गरेको छ। कम्पनीका अनुसार कामदारहरूले या त पूर्णकालीन कर्मचारीको रूपमा काम गर्न सक्नेछन् वा स्वतन्त्र व्यवसायीको रूपमा पनि काम जारी राख्न सक्नेछन्।
कम्पनीका नर्डिक पब्लिक अफेयर्स डाइरेक्टर ओल्ली कोस्कीका अनुसार यो नयाँ मोडल रोजगारी र लचकताबीच सन्तुलन खोज्ने प्रयास हो। यदि कामदारले कर्मचारीको रूपमा काम गर्ने छनोट गरे उनीहरूले आफ्नो कुल कमाइको करिब ६५ प्रतिशत मात्र प्राप्त गर्नेछन्, तर रोजगारदाता र पेन्सन कोष जस्ता सुविधाहरू कम्पनीले व्यहोर्नेछ।
हाल फिनल्यान्डमा वोल्टका लागि १०,००० भन्दा बढी डेलिभरी कर्मचारीहरू कार्यरत छन्, जसमध्ये साप्ताहिक रूपमा ५,०००-६,००० जना सक्रिय छन्। वोल्टको यो निर्णय फिनल्यान्डको सर्वोच्च प्रशासनिक अदालतले मे महिनामा दिएको फैसला पछि आएको हो। उक्त फैसलाले डेलिभरी कर्मचारीहरूलाई स्वतन्त्र ठेकेदार होइन, कम्पनीका कर्मचारीको रूपमा परिभाषित गरेको थियो।
कम्पनीले यो नयाँ मोडल तत्काल लागू नगर्ने र समर भरि पुरानै ढाँचामा काम गर्ने जनाएको छ। वोल्टका उत्तरी युरोप सञ्चालन प्रमुख जोएल यार्भिनेनका अनुसार सबैभन्दा जटिल चुनौती भनेको बिरामी बिदाको तलब गणना गर्ने विधि हो, किनभने डेलिभरी कर्मचारीहरूको निश्चित आम्दानी छैन।
“हामीले कर्मचारीहरूसँग छलफल गरेर र सरकारी निकायहरूसँग परामर्श गरेर मात्र अघि बढ्नेछौं,” कम्पनीका प्रवक्ताले भनेका छन्।
सन् २०१४ मा फिनल्यान्डमा स्थापना भएको वोल्ट गत वर्ष अमेरिकी कम्पनी डोरड्यासलाई लगभग ३ अर्ब युरोमा बिक्री भएको थियो। कम्पनीका अनुसार २०,००० भन्दा बढी व्यक्तिले डेलिभरी कर्मचारी बन्न आवेदन दिएका छन् र प्रतीक्षा सूचीमा रहेका छन्।
विशेष गरी आप्रवासी कामदारहरूका लागि वोल्ट एक महत्वपूर्ण रोजगारदाता बनेको छ। धेरैजसो आप्रवासीहरूलाई फिनल्यान्डमा अन्य रोजगारीका अवसरहरू पाउन कठिन हुने भएकाले उनीहरू डेलिभरी क्षेत्रमा काम गर्न बाध्य छन्।
कम्पनीले यो नयाँ मोडल तत्काल लागू नगर्ने र समर भरि पुरानै ढाँचामा काम गर्ने जनाएको छ।
आगामी अटममा कम्पनीले बिरामी बिदा, बिदाको क्षतिपूर्ति, कार्य उपकरण र कार्यस्थल सुरक्षा जस्ता रोजगारदाताका दायित्वहरू कसरी व्यवस्थापन गर्ने भन्ने बारे ठोस योजना प्रस्तुत गर्ने बताएको छ।
