📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- औलु सहर नजिकैकप मुहोसमा एक स्कूले उमेर भन्दा कम उमेरका बालक मृत फेला परे।
- प्रहरीले घटनामा कुनै आपराधिक संलग्नता नभएको जनाएको छ।
- मृत्युको कारण पत्ता लगाउन अनुसन्धान जारी।
मुहोस, फिनल्यान्ड – उत्तरी पोहयोनमाको मुहोसमा बुधबार एक स्कूले उमेर भन्दा कम उमेरका बालक आफ्नो घर नजिकैको छिमेकीको पोखरीमा मृत अवस्थामा फेला परेका छन्।
औलु प्रहरीले जारी गरेको विज्ञप्तिमा बालकलाई घटनास्थलमै उद्धारको प्रयास गरिए पनि बचाउन नसकिएको उल्लेख गरिएको छ।
प्रहरीका अनुसार बालकलाई आफ्नो घर नजिकैको छिमेकीको घर कम्पाउन्डमा रहेको पोखरीमा अचेत अवस्थामा भेटिएको थियो। घटनास्थलमा गरिएको सबै प्राथमिक उपचारका प्रयासहरू असफल भएपछि बालकको मृत्यु भएको पुष्टि गरिएको हो।
प्रहरीले यो घटनामा कुनै आपराधिक संलग्नता नभएको प्रारम्भिक निष्कर्ष निकालेको छ र मृत्युको कारण पत्ता लगाउन अनुसन्धान जारी राखेको छ।
औलु प्रहरीका सञ्चार प्रमुख तेरो भ्याइरिनेनले घटनाको संवेदनशीलता र अनुसन्धानको प्रकृतिलाई ध्यानमा राख्दै थप जानकारी सार्वजनिक नगर्ने बताएका छन्। फिनिस कानुन अनुसार मृत्युको कारण पत्ता लगाउने अनुसन्धानसँग सम्बन्धित विवरणहरू गोप्य राख्नुपर्ने प्रावधान छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
