📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्याण्डको ताम्पेरे शहरमा हिजो बिहीबार दिउसो चक्कु प्रहार गर्ने संदिग्ध आक्रमणकारी वयस्क फिनिस नागरिक भएको पुष्टि भएको छ। फिनिस प्रहरीले आफ्नो पछिल्लो प्रेस नोटमा उक्त कुरा उल्लेख गरेको हो।
हिजो दिउसो करिब ४.१५ मा ताम्पेरेको रातिना सपिङ्ग मल नजिकै आरोपीले चक्कु प्रहार गरी चार जनालाई घाइते बनाएका थिए। प्रहरीले घटनास्थल नजिकैबाट संदिग्ध एक व्यक्तिलाई पक्राउ गरेको थियो। प्रहरीले यो घटनालाई चारवटा हत्या प्रयासको रूपमा अनुसन्धान अगाडि बढाएको जनाएको छ।
आक्रमणमा परेका सबै पीडितहरू पनि वयस्क नागरिक हुन्। प्रहरीका अनुसार उनीहरूलाई चोटपटक लागेको छ तर कसैको पनि अवस्था गम्भीर वा ज्यानै जोखिममा पर्ने खालको छैन। घटनास्थलमा रगतको कुण्ड देखेको प्रत्यक्षदर्शीहरुले बताएका थिए भने पीडितहरूलाई तत्काल प्राथमिक उपचार प्रदान गरिएको थियो।
प्रहरीले अनुसन्धानको प्रारम्भिक चरणमा यो आक्रमण पछाडि कुनै आतंकवादी वा जातीय/रंगभेदी उद्देश्य नरहेको स्पष्ट पारेको छ। घटनाको विस्तृत जानकारी र अनुसन्धानको प्रगतिबारे जानकारी दिन प्रहरीले आज बिहान ११ बजे पत्रकार सम्मेलन आयोजना गर्ने बताएको छ।
अनुसन्धान अगाडि बढ्दै जाँदा मुद्दाको प्रकृति परिवर्तन हुन सक्ने पनि प्रहरीले उल्लेख गरेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
