📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- फिनल्यान्डमा समरका बाँकी दिनहरू सामान्यभन्दा न्यानो रहने।
- अगस्टदेखि अक्टोबरसम्मको वर्षाको मात्रा अझै अनिश्चित।
- दक्षिण र मध्य युरोपमा भने धेरै गर्मी र सुख्खा मौसमको पूर्वानुमान।
के फिनल्यान्डको चिसो समरले दिक्क हुनुभएको छ? मौसम पूर्वानुमान संस्था ‘फोरेका’ (Foreca) को लामो अवधिको मौसम पूर्वानुमानलाई विश्वास गर्ने हो भने समरका आगामी दिनहरू मौसमका हिसाबले तुलनात्मक रुपमा राम्रा हुने देखिएका छन्।
फोरेकाका अनुसार फिनल्यान्डमा समरको अन्तिम चरण र अटमको सुरुवात सामान्यभन्दा तातो हुने देखिएको हो। तातो तापक्रम जुलाईको अन्त्यतिरबाट सुरु भएर सेप्टेम्बरको अन्त्यसम्म कायम रहने प्रक्षेपण छ।
अगस्टदेखि अक्टोबरसम्मको अवधिमा हुने वर्षाको मात्राबारे भने पूर्वानुमान अझै अनिश्चित छ।
उत्तरी युरोपमै समरको अन्त्य र अटम ऋतुको सुरुवात सामान्यभन्दा केही तातो हुने उच्च सम्भावना रहेको फोरेकाले पूर्वानुमान गरेको हो।
सामान्यभन्दा बढी वर्षा हुने संकेत पनि देखिएका छन्, यद्यपि वर्षाको पूर्वानुमान अझै पनि पूर्ण रूपमा भरपर्दो भने छैन।
वर्षा र वायुको चापको पूर्वानुमानका आधारमा फोरेकाले आकलन गरेअनुसार समरको अन्त्य र अटमको सुरुवातमा पश्चिमबाट न्यून चापीय प्रणालीहरू वर्षासहित सामान्य गतिमा फिनल्यान्डको उत्तरी क्षेत्रतर्फ प्रवेश गर्न सक्नेछन्।
दक्षिण र मध्य युरोपमा भने अगस्ट-अक्टोबरको अवधिमा तापक्रम सामान्यभन्दा धेरै नै तातो हुने उच्च सम्भावना छ। पूर्वानुमानमा त्यहाँ सामान्यभन्दा कम वर्षा हुने सम्भावना छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
