📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डका एक भाग्यशाली व्यक्तिले युरो ज्याकपटमा ५८ मिलियन युरो जितेका छन्। शुक्रबार जुलाई २५ को ड्रमा दुई जनाले पूर्ण सही नतिजा ल्याएपछि मुख्य पुरस्कार फिनल्यान्ड र जर्मनीबीच बाँडिएको थियो।
लटरी सञ्चालक भेक्काउस (Veikkaus) का अनुसार फिनल्यान्डको कोत्का (Kotka) शहरका एक अनलाइन खेलाडीले विजयी टिकट खरिद गरेका थिए। विजयी नम्बरहरू ७, ८, १३, २९, ३६ र स्टार नम्बरहरू ४ र ८ थिए।
भेक्काउसकी सञ्चार प्रबन्धक आइने आल्होका अनुसार युरो ज्याकपटको इतिहासमा मुख्य पुरस्कार फिनल्यान्डमा परेको यो २३औँ पटक हो। त्यस्तै यो फिनल्यान्डको इतिहासमा पाँचौँ ठूलो युरो ज्याकपट जित हो।
मुख्य पुरस्कारका अतिरिक्त अन्य साना तर महत्वपूर्ण पुरस्कारहरू पनि फिनल्यान्डमा परेका छन्। साभोन्लिना (Savonlinna) का एक अनलाइन खेलाडीले ५+१ सही नतिजा ल्याएर करिब ६ लाख युरो जितेका छन्। साथै १५ जना खेलाडीले ५ सही नम्बर मिलाएर प्रत्येकले १३०,००० युरोभन्दा बढी प्राप्त गरेका छन्।
फिनल्यान्डका लागि यो जित यस वर्षको दोस्रो ठूलो युरो ज्याकपट पुरस्कार हो। यसअघि फेब्रुअरीमा काउहाभा (Kauhava) का एक खेलाडीले चालिस मिलियन युरो जितेका थिए।
फिनल्यान्डको इतिहासमा सबैभन्दा ठूलो जित २०१९ मा सिलिन्यार्भी (Siilinjärvi) मा ५० जनाको समूहले जितेको नब्बे मिलियन अर्थात् ९ करोड १९ लाख युरो हो।
फिनल्यान्डमा रहेका नेपालीहरुले पनि युरो ज्याकपट चिट्ठा किन्ने गरेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
