📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डमा जारी तातो लहर अझै केही दिन रहने र यससँगै चट्याङसहितको भीषण वर्षाको सम्भावना बढेको फिनिस मौसम विज्ञान संस्थानले आज जारी गरेको पूर्वानुमानमा जनाएको छ।
संस्थानका अनुसार दक्षिणपूर्वबाट भित्रिएको तातो र आर्द्र हावाका कारण फिनल्यान्डका अधिकांश भागमा शक्तिशाली आँधीबेहरीको लागि अनुकूल अवस्था बनेको छ।
मौसम पूर्वानुमान अनुसार यो साताभरि तापक्रम सामान्यतया २५ देखि ३१ डिग्री सेल्सियसको बीचमा रहनेछ। हावामा रहेको उच्च आर्द्रताले गर्मीको असजिलोपनलाई अझ बढाउनेछ।
केही स्थानमा रातहरू “उष्ण” हुन सक्नेछन्, जहाँ तापक्रम २० डिग्री सेल्सियसभन्दा तल झर्ने छैन।
“यो साता वर्षा र चट्याङसहितको आँधीबेहरी सामान्य हुनेछ, र यसले सुख्खा जमिनलाई केही राहत दिनेछ।” संस्थानका मौसमविद् तुक्का केरानेन (Tuukka Keränen) भन्छन्।
पूर्वानुमान अनुसार यो साता फिनल्यान्डको पश्चिमी भागदेखि उत्तरी ल्यापल्यान्डसम्मको क्षेत्रमा चट्याङ पर्ने सम्भावना बढी छ। उत्तरी ओस्ट्रोबोथनीया र ल्यापल्यान्डका धेरैजसो भागमा २० मिटर प्रति सेकेन्डभन्दा बढीको खतरनाक हावाको झोक्का आउन सक्नेछ।
ल्यापल्यान्डमा वर्षा एकै ठाउँमा केन्द्रित भएमा भारी वर्षा हुन सक्ने बाढी समेत आउन सक्ने जनाइएको छ। चट्याङसँगै केही ठाउँमा असिना पनि पर्न सक्ने बताइएको छ।
अझै पनि जमिन सुख्खा रहेकाले चट्याङका कारण डढेलो लाग्न सक्ने जोखिम छ। यद्यपि, स्थानीय रूपमा हुने भारी वर्षाले खडेरीको अवस्थामा राहत पुऱ्याउन मद्दत गर्नेछ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
