📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goयदि बुबाले कलिलो उमेरमा धुम्रपान सुरु गरेका थिए भने उनीहरूका सन्तान छिटो बुढो हुने एक नयाँ अध्ययनले देखाएको छ।
नर्वेको बर्गन विश्वविद्यालयको अनुसन्धानले यो गम्भीर र स्थायी असरबारे खुलासा गरेको हो।
अध्ययन अनुसार सानैमा धुम्रपान गर्ने बुबाका सन्तानको जैविक उमेर उनीहरुको वास्तविक उमेर भन्दा औसतमा ९ देखि १२ महिना बढी पाइयो। यसको अर्थ उनीहरुको शरीर उमेरभन्दा छिटो बुढो भइरहेको हुन्छ।
यो निष्कर्ष निकाल्न अनुसन्धानकर्ताहरूले संसारभरका विभिन्न पुस्ताका मानिसहरूको रगतको नमुना विश्लेषण गरेका थिए।
यसको उद्देश्य कलिलो उमेरमा सुरु गरिएको धुम्रपानले भावी पुस्ताको स्वास्थ्य र आयुमा कस्तो असर गर्छ भनेर पत्ता लगाउनु थियो। यो अध्ययनबारे नर्वेको सरकारी संचार NRK ले रिपोर्ट गरेको छ।
महिलाहरूको हकमा भने यो नियम लागू हुँदैन। किनभने महिलाहरूको डिम्ब जन्मँदै लगभग पूर्ण रूपमा विकसित भइसकेका हुन्छन्।
अनुसन्धानले देखाएअनुसार किशोरावस्थामा केटाहरूको शुक्रकीट कोशिकाहरू परिवर्तनप्रति धेरै नै संवेदनशील हुन्छन्। यही बेला पिएको चुरोटले शुक्रकीटमा स्थायी क्षति पुर्याउँछ, जसले गर्दा शुक्रकीटको गुणस्तर सधैंका लागि घट्छ।
महिलाहरूको हकमा भने यो नियम लागू हुँदैन। किनभने महिलाहरूको डिम्ब जन्मँदै लगभग पूर्ण रूपमा विकसित भइसकेका हुन्छन्, त्यसैले धुम्रपानले उनीहरूको प्रजनन कोषिकामा यसरी असर गर्दैन।
अध्ययनले खैनी वा ई-सिगरेट बारे अनुसन्धान गरेको थिएन। तर अनुसन्धानकर्ताहरूले यी पदार्थहरूले पनि किशोरावस्थामा शुक्रकीटमा उस्तै नकारात्मक असर पार्न सक्ने विश्वास लिएका छन्।
धूम्रपानले पुरुष प्रजनन स्वास्थ्यमा अनेक तरिकाले नकरात्मक असर गर्ने पछिल्ला अनुसन्धानले देखाएका छन्। शुक्रकिटको संख्या, गुणस्तर, गतिशीलता र DNA/epigenetic संरचनामा असर पर्ने प्रमाणहरू बलियो देखिएका छन्।
पितृको धूम्रपानले सन्तानमा पनि प्रभाव पार्न सक्ने सम्भावना पछिल्लो अनुसन्धानले देखाउन थालेका छन्। प्रजनन क्षमता सुधार्न र सन्तानको दीर्घकालीन स्वास्थ्यका लागि धूम्रपान छोड्नु नै उत्तम हुने देखिन्छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
