📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- अपराधमा दोषी जाफलाई देश निकाला गरियो।
- हेलसिन्कीबाट विशेष चार्टर विमानमा उडे।
- अपील विचाराधीन रहे पनि निर्णय लागू भयो।
फिनल्यान्डको चर्चित ‘कुर्दिश माफिया’ सडक ग्याङका प्रमुख मिलान जाफलाई देश निकाला गरिएको छ। विभिन्न गम्भीर अपराधमा दोषी ठहर भएका २५ वर्षीय जाफलाई रातारात विशेष उडानमार्फत इराक फिर्ता गरिएको हो।
यो समाचार पहिलो पटक इल्तालेहतीले लेखेको हो। उक्त पत्रिकाका अनुसार जाफलाई यो हप्ता फिनल्यान्डबाट डिपोर्ट गरिएको हो।
निष्कासनको उडान सोमबार राति र मंगलबार बिहानको बीचमा इराकको लागि हिँडेको थियो। जाफलाई कुर्द तथा अरब पृष्ठभूमिका पाँच अन्य इराकीहरूसँगै फ्रि-बर्ड एयरलाइन्सको चार्टर विमानमा पठाइएको थियो।
यो पनि पढ्नुहोस्ः सामाजिक सञ्जालको नायकदेखि देश निकालाको डिलसम्म: यस्तो छ मिलान जाफको कथा
विमान हेलसिन्कीबाट उडेर स्वीडेन र त्यसपछि अस्ट्रिया हुँदै इराक पुगेको थियो। हेलसिन्की प्रहरीका वरिष्ठ अधिकारी सिमो काउपिनेनले Frontex को संयुक्त फिर्ती उडान राति एयरपोर्टबाट गएको इल्तालेहतीसँग पुष्टि गरेका छन्।
काउपिनेनले उडानमा रहेका मानिसहरूको नाम र उनीहरूका अपराधबारे टिप्पणी गर्न मानेनन्। तर, उनले भने, “निष्कासन गरिएकामध्ये केही अपराधमा दोषी ठहर भएका हुन्।”
उडानमा रहेका एक पुरुषका अनुसार विमानमा निष्कासन गरिएका दर्जनौँ व्यक्तिहरू र करिब १५० सुरक्षा अधिकारी थिए।
जाफलाई धेरै प्रहरीको निगरानीमा इराक पुर्याइएको थियो। बगदादबाट उनी आफ्नो परिवारसँग भेट्न इराकी कुर्दिस्तानको किर्कुक गएको जनाइएको छ।
जाफ फिनल्यान्डका नागरिक होइनन्। उनले शरणार्थी संकटको समयमा केही वर्ष अगाडी फिनल्यान्ड आएको बताउने गरेका थिए।
जाफका फिनल्यान्डमा बस्ने भाइका अनुसार परिवारलाई उनी फर्कँदै छन् भन्ने थाहा थिएन। विशेष गरी जाफकी आमाको लागि छोराको फिर्ती खुसीको आश्चर्य थियो।
हेलसिन्कीको प्रशासनिक अदालतले जाफको निष्कासन निर्णयविरुद्धको अपील खारेज गरेपछि यो कारबाही भएको हो। जाफले सर्वोच्च प्रशासनिक अदालत (KHO) मा पुनरावेदन गरेका थिए। तर पुनरावेदनले पहिले दिइएको निर्णयको कार्यान्वयनलाई रोक्दैन।
जाफ फिनल्यान्डका नागरिक होइनन्। उनले शरणार्थी संकटको समयमा केही वर्ष अगाडी फिनल्यान्ड आएको बताउने गरेका थिए।
उनी हत्या प्रयास र बलात्कार लगायतका धेरै अपराधमा दोषी ठहर भएका छन्। उनी अगस्टमा जेलबाट रिहा भएपछि तुरुन्तै निष्कासन निर्णयको कार्यान्वयनका लागि हिरासत इकाईमा सारिएका थिए।
उनले मेट्रोमा दुध पोखेको र गाएका केही र्याप गितहरू सामाजिक संजालमा चर्चित छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
