यो 'प्रिमियम' सामाग्री हाम्रा सदस्यका लागि मात्र।
यो 'प्रिमियम' सामाग्री पढ्न हाम्रो 'सहयोगी सदस्य' बन्नुहोस्।
Buy Now — 59 €/Year 4.91 €/ month · Cancel anytimeपहिले नै सदस्य हुनुहुन्छ? तलबाट लग-इन गर्नुहोस्।
हाम्रो सहयोगी सदस्य बन्दा तपाई प्रयोगका सर्तहरू र गोपनीयता नीति अनुसार आफ्नो डेटा प्रशोधन गर्न सहमत हुनुहुन्छ।
(प्रिय पाठक, यो नेपालीलाइनेनका सहयोगी सदस्यहरूले मात्र पढ्न मिल्ने ‘प्रिमियम स्टोरी’ हो। ‘सहयोगी सदस्य’ बनी हामीलाई सघाउनु भएकोमा धेरै-धेरै धन्यवाद।)
संक्षेपमा
- काम लगाइदिए बापत प्रतिव्यक्ति ५ हजार युरो असुली।
- सामाजिक सञ्जालमा सचेत गराउँदा बच्चा अपहरणको धम्की।
- बीस भन्दा बढी श्रमिकमाथि गम्भीर आर्थिक शोषण।
हेलसिन्की प्रहरीले एक सरसफाइ कम्पनीका मालिक र एक कर्मचारी विरुद्ध २० भन्दा बढी एसियाली कामदारलाई ठगी गरेको अनुसन्धान पूरा गरेको छ।
उनीहरूले फिनल्यान्डमा काम दिने बहानामा श्रमिकबाट अवैध रूपमा रकम असुल्ने र विरोध गर्नेलाई ज्यान मार्ने धम्की दिने गरेको पाइएको छ।
प्रहरीका अनुसार आरोपितहरूले प्रत्येक कामदारबाट करिब ५ हजार युरो मागेका थिए। यो रकम फिनल्यान्डको कम्पनीमा रोजगारी सुनिश्चित गरिदिने भन्दै लिइएको थियो।
पीडितहरू सबै एसियाली मूलका नागरिक हुन्। प्रहरीले हालसम्म सुरक्षाका कारण उक्त सफाइ कम्पनीको नाम भने सार्वजनिक गरेको छैन।
धेरैजसो कामदारले दिनमा केही घण्टा मात्र काम गर्न पाउँथे। जबकि उनीहरूको आवासीय अनुमति पूर्णकालीन कामको सम्झौतामा आधारित थियो।
प्रिय पाठक, हाम्रो सहयोगी सदस्य बनी सम्पूर्ण प्रिमियम सामाग्री पढ्नुहोस्।
काम र आम्दानी नभएपछि धेरै श्रमिकहरू अन्य कम्पनीमा काम खोज्न वा स्वदेश फर्कन बाध्य भए।
यो ठगी धन्दाबाट आरोपितहरूले करिब १ लाख युरो अवैध लाभ उठाएको प्रहरीको दाबी छ।
काम र आम्दानी नभएपछि धेरै श्रमिकहरू अन्य कम्पनीमा काम खोज्न वा स्वदेश फर्कन बाध्य भए।
सामाजिक सञ्जालमा आवाज उठाएपछि बच्चा अपहरणको धम्की
एक श्रमिकले सामाजिक सञ्जालमार्फत आफूहरू ठगिएको र शोषण जारी रहेकोबारे खुलस्त पार्दै अरूलाई सचेत गराएका थिए। त्यसपछि उनलाई उनको देशमा रहेको बच्चा अपहरण गर्ने धम्की समेत दिइएको प्रहरीले बताएको छ।
कम्पनीका मालिक र कर्मचारी विरुद्ध गम्भीर आर्थिक शोषण र अवैध रूपमा मानिस भित्र्याएको अभियोग लगाइएको छ। उनीहरू विरुद्ध अवैध धम्की दिएको मुद्दा पनि दर्ता गरिएको छ।
सरकारी वकिलले अप्रिलको अन्त्यमा यी आरोपितहरू विरुद्ध अदालतमा मुद्दा दायर गरेका छन्। प्रहरीले यो घटनालाई श्रमिक शोषणको एक गम्भीर उदाहरणका रूपमा लिएको जनाएको छ।
फिनल्यान्डमा विदेशी कामदारहरूलाई ठगीबाट जोगाउन विभिन्न कानुनी प्रावधानहरू छन्। विशेष गरी सफाइ र रेस्टुरेन्ट क्षेत्रमा यस्ता शोषणका घटनाहरू समय-समयमा बाहिर आउने गर्छन्।
यहाँका श्रमिक सङ्गठनहरूले कामदारलाई आफ्नो श्रम सम्झौता राम्ररी पढ्न र अधिकार हनन भएमा तुरुन्त प्रहरी वा युनियनमा सम्पर्क गर्न सुझाव दिने गर्छन्।
