📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- आठ हप्ता लामो शैक्षिक तथा नीतिगत अनुसन्धानमूलक स्वयंसेवी कार्यक्रम।
- फिनल्यान्ड वा विश्वको जुनसुकै स्थानबाट सहभागी हुन मिल्ने।
- गैरआवासीय नेपाली र नेपाली मूलका नागरिकलाई आवेदन दिन विशेष प्रोत्साहन।
नेपालको परराष्ट्र मन्त्रालय र परराष्ट्र मामिला अध्ययन प्रतिष्ठान (आईएफए) ले संयुक्त रूपमा ‘मन्त्रालय समर इन्टर्नसिप २०२६’ का लागि आवेदन खुला गरेका छन्।
आगामी मे ३१, २०२६ सम्म आवेदन दिन मिल्ने यो कार्यक्रममा फिनल्यान्डमा रहेका नेपाली विद्यार्थी र पेसाकर्मीहरूले पनि सहभागिता जनाउन सक्नेछन्।
यो आठ हप्ता लामो स्वयंसेवी अनुसन्धान कार्यक्रम आगामी जुनको मध्यदेखि अगस्टको मध्यसम्म चल्नेछ। कार्यक्रममा काठमाडौंमा भौतिक रूपमा उपस्थित भएर वा विश्वको जुनसुकै स्थानबाट अनलाइन/रिमोट माध्यमबाट सहभागी हुन सकिनेछ भनिएको छ।
यद्यपि पूर्णतः रिमोट सहभागिता सम्भव छ वा छैन भन्ने विषयमा सूचना मौन छ। साथै सहभागीले कुनै तलब/भत्ता पाउने छैनन्।
के-के छन् विषय?
इन्टर्नसिपका लागि रणनीतिक मामिला तथा अन्तर्राष्ट्रिय कानुन, विकास र वित्त, उदीयमान प्रविधि, स्वच्छ ऊर्जा, र नेपाली डायस्पोरा जस्ता विषयहरु तोकिएका छन्।
छानिएका अनुसन्धानकर्ताहरूले नेपालको परराष्ट्र नीति सम्बन्धी विभिन्न एजेन्डामा प्रत्यक्ष योगदान दिन पाउनेछन्।
यो अवसरका लागि नेपाली नागरिक, गैरआवासीय नेपाली (एनआरएन) कार्डवाहक, र नेपाली मूलका व्यक्तिहरूले आवेदन दिन सक्नेछन्।
सहभागीहरूले परराष्ट्र मन्त्रालयको मन्त्रीस्तरीय तहमा प्रत्यक्ष संवाद गर्ने र वरिष्ठ विज्ञहरूबाट मार्गदर्शन पाउने अवसर पाउनेछन्। यसका साथै आफ्ना अनुसन्धानमूलक लेखहरू परराष्ट्र मामिला अध्ययन प्रतिष्ठान मार्फत प्रकाशन गर्ने सुविधा समेत रहनेछ।
छानिएका सहभागीले सिंहदरबारस्थित परराष्ट्र मन्त्रालयमा काम गर्ने टेबल र विभिन्न तालिमहरू समेत पाउनेछन्।
इच्छुक र सम्बन्धित क्षेत्रमा दक्षता भएका स्नातक वा सोभन्दा माथिका योग्यता पुगेका व्यक्तिले अनलाइन फारम मार्फत आवेदन दिन सक्नेछन्।
नेपाल सरकारले पछिल्लो समय विदेशमा रहेका नेपालीहरूको ज्ञान, सीप र अनुभवलाई देशको नीति निर्माणमा समेट्ने प्रयास गरिरहेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
