📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- हेलसिन्कीबाट भासा जाँदै गरेको भीआर रेलमा शिशुको जन्म।
- यात्रुको सहयोगमा प्रसूति, सेइनायोकीमा एम्बुलेन्सद्वारा उद्धार।
- भीआरको इतिहासमै गुडिरहेको रेलभित्र बच्चा जन्मिएको पहिलो घटना।
फिनल्यान्डको राज्य-स्वामित्व रहेको रेल्वे कम्पनी भीआर (VR) को इन्टरसिटी रेलभित्र एउटा अचम्मको घटना घटेको छ। मङ्गलबार साँझ हेलसिन्कीबाट भासा शहरतर्फ जाँदै गरेको आईसी ४९ रेलमा एक महिलाले शिशुलाई जन्म दिएकी छन्।
भीआरकी सञ्चार प्रबन्धक तिना नुम्मेनमाले यो असाधारण तर सुखद घटना भएको प्रेस विज्ञप्तिमा बताएकी छन्। उनका अनुसार भीआरको इतिहासमा यसअघि कहिल्यै रेलभित्र बच्चा जन्मिएको आधिकारिक रेकर्ड छैन।
“भीआर [आमा र बच्चाको] परिवारलाई यो विशेष क्षणका लागि हार्दिक बधाई दिन्छ,” नुम्मेनमाले भनिन्।
फिनिस भाषाको ट्याब्लोइड पत्रिका इल्ता-सानोमातका अनुसार जन्मको समयमा सोही ट्रेनमा यात्रा गरिरहेका एक यात्रुले ती आमालाई सहयोग गरेका थिए।
रेल सेइनायोकी स्टेसनमा पुग्दा नवजात शिशु र आमाको लागि एम्बुलेन्स तयारी अवस्थामा पर्खिरहेको थियो। यस्तो अप्रत्याशित अवस्थामा पनि रेलका कर्मचारीले शान्त र व्यावसायिक रूपमा काम गरेको भीआरले जनाएको छ।
नवजात शिशुको जन्मले रेल यात्रामा केही रोमाञ्चकता ल्याए पनि यात्रा भने प्रभावित भएन। आईसी४९ रेल आफ्नो निर्धारित समयमै गन्तव्यतर्फ अघि बढेको थियो।
फिनल्यान्डको रेल्वे सेवा युरोपमै निकै सुरक्षित, सुविधायुक्त र समयनिष्ठ मानिन्छ। सामान्यतया यहाँ गर्भवती महिलाहरूलाई सुत्केरी हुने मिति नजिकिँदै गर्दा लामो यात्रा नगर्न स्वास्थ्यकर्मीहरूले सल्लाह दिने गर्छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
