📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- हेलसिन्कीको कालासातामास्थित समुद्रबाट शव निकालियो।
- मृतकको साथमा भेटिएको परिचयपत्रबाट पहिचान खुल्यो।
- घटनामा कुनै आपराधिक संलग्नताको आशंका नरहेको प्रहरीको भनाई।
हेलसिन्कीको कालासातामा क्षेत्रको समुद्रमा आइतबार दिउँसो एक शव फेला परेको छ। प्रहरीले उक्त शव लामो समयदेखि खोजी गरिएका बेपत्ता व्यक्तिकै भएको पुष्टि गरेको छ।
पश्चिमी उसिमा प्रहरीका अनुसन्धान प्रमुख रोबिन हुल्देनका अनुसार मृतकको साथमा परिचयपत्र फेला परेको थियो। सोही आधारमा उक्त शव प्रहरीले खोजिरहेको व्यक्तिकै भएको निश्चित भएको हो।
प्रहरीले यसअघि नोभेम्बर ६ र १९ मा सूचना जारी गर्दै सर्वसाधारणसँग खोजीका लागि सहयोग मागेको थियो। त्यतिबेला प्रहरीले एस्पोमा बस्ने ३० वर्षीय पुरुष हराएको जानकारी दिएको थियो।
ती व्यक्तिलाई अन्तिम पटक नोभेम्बर २ आइतबार बिहान सबेरै हेलसिन्कीको कालासातामामा देखिएको थियो। त्यसयता उनी सम्पर्कविहीन थिए।
प्रहरीले व्यक्तिको बेपत्ता वा मृत्युमा कुनै अपराध जोडिएको आशंका गरेको छैन।
प्रहरीले व्यक्तिको बेपत्ता वा मृत्युमा कुनै अपराध जोडिएको आशंका गरेको छैन। प्रहरीले अब यसलाई मृत्युको कारण पत्ता लगाउने अनुसन्धानको रूपमा अगाडि बढाउनेछ।
प्रत्यक्षदर्शीका अनुसार घटनास्थलमा हेलसिन्की प्रहरी र उद्धार टोली खटिएका थिए। सर्वसाधारणलाई शव निकालिएको स्थान नजिक जान रोक लगाइएको थियो।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
