📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goहेलसिन्कीस्थित कुम्पुलाको सार्वजनिक स्विमिङ पुलमा बिहीबार दिउँसो एक बच्चालाई डुब्नबाट बचाइएको छ। एक प्रत्यक्षदर्शीले स्थानीय सञ्चारमाध्यमलाई दिएको जानकारी अनुसार प्राथमिक विद्यालय जाने उमेरको जस्तो देखिने बच्चालाई पोखरीबाट निकालेर तत्कालै कृत्रिम श्वासमार्फत पुनर्जीवन अर्थात् CPR दिइएको थियो।
घटनास्थलमा पुगेको आपतकालीन सेवाले बच्चालाई एम्बुलेन्समा राख्नुअघि आवश्यक प्राथमिक उपचार गरेको थियो।
हेलसिन्कीको उद्धार विभागले कुम्पुलामा दिउँसो प्राथमिक उपचारसँग सम्बन्धित एक घटना भएको पुष्टि गरे पनि बिरामीको गोपनीयताको कारणले थप जानकारी दिन अस्वीकार गरेको छ।
जुलाई महिनामा बढेको अत्यधिक गर्मीका कारण हेलसिन्की र आसपासका क्षेत्रका स्विमिङ पुल तथा समुद्री तटहरूमा मानिसहरूको भीड बढेको छ। यसै क्रममा विभिन्न स्थानहरूमा यस्ता जोखिमपूर्ण घटनाहरू भएका छन्। केहि दिनअघि एकै दिन ३ बालबालीकालाई डुबेको अवस्थामा एस्पोका विभिन्न स्थानबाट उद्दार गरिएको थियो।
अधिकारीहरूले अभिभावकहरूलाई आफ्ना बालबालिकाहरूमाथि विशेष निगरानी राख्न र पौडी खेल्दा आवश्यक सुरक्षा नियमहरू पालना गर्न आग्रह गरेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
