📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- फिनल्यान्डबाट एस्टोनिया जाने पर्यटकको संख्यामा निरन्तर गिरावट।
- एस्टोनियामा होटल तथा आवासको मूल्यमा ४ प्रतिशतले वृद्धि।
- लातभिया, जर्मनी र एसियाली मुलुकका पर्यटकको आगमनमा भने सुधार।
एस्टोनियामा फिनल्यान्डबाट जाने पर्यटकको संख्यामा लगातार गिरावट देखिएको छ।
एस्टोनियाको तथ्यांक विभागका अनुसार यो गिरावट लगातार छैटौं महिनासम्म देखिएको हो। अक्टोबर महिनामा फिनल्यान्डबाट ५५,००० पर्यटकले त्यहाँ भ्रमण गरी स्थानीय होटलहरूमा बास बसेका थिए।
यो संख्या गत वर्षको सोही महिनाको तुलनामा ४ प्रतिशतले कम हो। फिनिस पर्यटकहरूले एस्टोनियाका कुल विदेशी पर्यटकको ३६ प्रतिशत हिस्सा ओगट्छन्।
एस्टोनियाको तथ्यांक विभागकी प्रमुख विश्लेषक हेल्गा लौर्माका अनुसार फिनल्यान्डबाट जाने पर्यटकको संख्या घटे पनि समग्र विदेशी पर्यटकको संख्या भने ७ प्रतिशतले बढेको छ।
लातभिया, जर्मनी, बेलायत र एसियाली मुलुकहरूबाट आउने पर्यटकको संख्यामा वृद्धि भएको उनले बताइन्।
अक्टोबरमा एस्टोनियाका होटलहरूले कुल २,९१,००० पर्यटकलाई सेवा दिएका थिए। तीमध्ये ५२ प्रतिशत विदेशी र ४८ प्रतिशत एस्टोनिएन नागरिक नै थिए।
फिनल्यान्डमा बस्ने नेपालीहरूका लागि पनि एस्टोनिया एउटा प्रमुख भ्रमण गन्तव्य मध्ये एक रहिआएको छ।
कोरोना महामारी अघिको तुलनामा विदेशी पर्यटकको संख्या अझै पनि १२ प्रतिशतले कम छ। यद्यपि एस्टोनियाका आन्तरिक पर्यटकको संख्यामा भने ५ प्रतिशतले वृद्धि भएको देखिन्छ।
यससँगै एस्टोनियामा बासस्थानको औसत मूल्यमा पनि ४ प्रतिशतले वृद्धि भएको छ।
फिनल्यान्डमा बस्ने नेपालीहरूका लागि पनि एस्टोनिया एउटा प्रमुख भ्रमण गन्तव्य मध्ये एक रहिआएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
