📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- श्रमशक्ति स्थिर राख्न वार्षिक ४४,००० खुद आप्रवासी आवश्यक पर्ने।
- रोजगारीमा आधारित आप्रवासनले अर्थतन्त्र र उत्पादकत्वमा छिटो फाइदा पुर्याउने।
- भाषा र सीप पहिचान सहितको प्रभावकारी एकीकरण नीति हुनुपर्ने।
फिनल्यान्डको अर्थतन्त्र र खुम्चिँदो श्रमशक्तिको समस्या समाधान गर्न आप्रवासीहरूको सङ्ख्या उल्लेख्य रूपमा बढाउनुपर्ने देखिएको छ।
फिनल्यान्डको आर्थिक अनुसन्धान केन्द्र ETLA को नयाँ प्रतिवेदन अनुसार आर्थिक वृद्धिको आधार सुरक्षित गर्न आप्रवासन नीतिमा रणनीतिक सुधार आवश्यक छ।
फिनल्यान्डको जनसङ्ख्या तीव्र रूपमा बुढ्यौलीतर्फ गइरहेको र श्रमशक्तिको आपूर्ति घट्दै गएको प्रतिवेदनमा उल्लेख छ। त्यसका कारण फिनल्यान्डको अर्थतन्त्रमा चुनौती थपिएको प्रतिवेदनमा जनाइएको छ।
कामकाजी उमेर समूहको जनसङ्ख्या स्थिर राख्न वार्षिक करिब ४४,००० खुद आप्रवासी आवश्यक पर्ने ETLA को अनुसन्धानले देखाएको हो।
हाल यो सङ्ख्या करिब १५,००० मात्र रहेको छ। यो बढाएर ४४,००० पुर्याउने लक्ष्य निकै चुनौतीपूर्ण रहेको ETLA का अनुसन्धान निर्देशक आन्ती कौहानेनले बताउँछन्।
रोजगारीमा आधारित र उच्च शिक्षा हासिल गरेका आप्रवासीहरूले अर्थतन्त्रमा छिट्टै सकारात्मक प्रभाव पार्ने प्रतिवेदनमा उल्लेख छ।
मानवीय कारणले आउने आप्रवासीहरूबाट हुने आर्थिक लाभ भने कमजोर हुने गरेको छ । उनीहरूको रोजगारीको बाटो निकै सुस्त हुने गरेको प्रतिवेदनमा उल्लेख छ।
आप्रवासनले अर्थतन्त्रमा पार्ने प्रभाव मुख्यतया नयाँ आउनेहरूको सीप र उनीहरूको सफल एकीकरणमा भर पर्छ। यसका लागि प्रभावकारी भाषा तालिम, सीपको पहिचान र श्रम बजारमा छिटो पहुँचको व्यवस्था हुनुपर्ने पनि प्रतिवेदनमा उल्लेख छ।
अन्तरघुलनका प्रयासहरूले रोजगारीमा सुधार ल्याउने र सामाजिक सुरक्षा भत्ताको आवश्यकतालाई कम गर्ने कुरालाई प्रतिवेदनमा जोड दिइएको छ।
फिनल्यान्डमा पछिल्लो समय कामदारको अभाव प्रमुख राष्ट्रिय मुद्दा बन्दै गएको छ। यद्यपी आप्रवासनलाई कडाइ गर्ने सरकारी नीतिका कारण फिनल्यान्ड आउने आप्रवासीहरूको संख्या बढ्नुको सट्टा घटिरहेको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
