📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goनेपालका लागि फिनल्यान्डका नवनियुक्त राजदूत पेत्री पुहाक्काले आफ्नो कार्यकाल औपचारिक रूपमा सुरु गरेका छन्। बिहीबार राष्ट्रपति भवन शीतल निवासमा आयोजित एक विशेष समारोहमा उनले राष्ट्रपति रामचन्द्र पौडेलसमक्ष आफ्नो ओहोदाको प्रमाणपत्र पेश गरे।
उनी श्रीमती सहित बग्गी चढेर नेपालको राष्ट्रपति कार्यालय रहेको शितलनिवास पुगेका थिए। ओहोदाको प्रमाणपत्र पेस गर्न जाँदा राजदूतहरूलाई बग्गी चढाएर स्वागत गर्ने परम्परा नेपालमा रहिआएको छ।
यो समारोहसँगै राजदूत पुहाक्काले नेपालमा आफ्नो कूटनीतिक जिम्मेवारी सम्हालेका छन्। नेपाल र फिनल्यान्डबिच पाँच दशकदेखि मित्रता, सहयोग र दिगो विकासका लागि संयुक्त प्रयासमा आधारित सुमधुर सम्बन्ध रहँदै आएको छ।
ओहोदाको प्रमाणपत्र प्रस्तुत गर्ने समारोहमा राजदूत पुहाक्काका साथ उनकी श्रीमती अजरा असंगानी, नियोगका उपप्रमुख मिक्के किन्नारी र सहयोग प्रमुख सारा आलानेनको पनि उपस्थिति थियो।
राजदूत पुहाक्कालाई फिनल्यान्डको परराष्ट्र मन्त्रालयले गत मे महिनामा काठमाडौँस्थित दूतावासको ‘हेड अफ मिसन’का रूपमा नियुक्त गरेको थियो र उनले अगस्ट १ देखि आफ्नो जिम्मेवारी सम्हालेका हुन्। यसअघि उनी अपाङ्गता समावेशीकरणका लागि राजदूतको रूपमा कार्यरत थिए।
सन् १९९५ मा फिनल्यान्डको परराष्ट्र मन्त्रालयमा प्रवेश गरेका पुहाक्कासँग अन्तर्राष्ट्रिय कूटनीतिमा लामो अनुभव छ। उनले सन् २०१६ देखि २०२० सम्म क्वालालम्पुरस्थित फिनल्यान्डको दूतावासमा ‘हेड अफ मिसन’का रूपमा काम गरिसकेका छन्।
राजदूत पुहाक्काले पूर्वराजदूत रीना-रिक्का हेक्काको स्थान लिएका हुन्। राजदूत हेक्काले आफ्नो तीन वर्षे कार्यकाल सफलतापूर्वक पूरा गरेकी थिइन्। उनको कार्यकालमा नेपाल र फिनल्यान्डबीचको कूटनीतिक सम्बन्धको ५०औँ वर्षगाँठ मनाइएको थियो। उनकै कार्यकालमा नयाँ विकास परियोजनाहरूको सुरुवात र आर्थिक सहयोगका लागि नयाँ वित्तीय उपकरणमा हस्ताक्षरजस्ता महत्त्वपूर्ण उपलब्धिहरू हासिल भएका थिए।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
