📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- फिनएयरका हेलसिन्की-दोहा उडानहरू जुन २३ सम्मका लागि स्थगित।
- २,७०० यात्रु प्रभावित, रिफन्ड वा वैकल्पिक विकल्प उपलब्ध।
- सुरक्षा जोखिमका कारण इराक, इरान, सिरिया, र इजरायल पनि नउड्ने।
फिनएयरले मध्यपूर्वका सुरक्षा चिन्तालाई ध्यानमा राख्दै दोहा उडानहरू स्थगित गरेको छ। कम्पनीले २३ जुनसम्म उडान स्थगित रहने भनेको छ र त्यसपछि स्थितिलाई पुनः समीक्षा गरिने उल्लेख गरेको छ।
हेलसिन्की र दोहाबीचका दैनिक उडानहरूमा यो निर्णयले प्रभाव पारेको छ। २४ जुनका लागि निर्धारित उडान AY १९८२ पनि रद्द गरिएको छ। झन्डै २,७०० यात्रु उडान रद्दको चपेटामा परेका छन्। यसबाट दोहालाई ट्रान्जिट बनाएर उड्ने नेपाली यात्रुहरू पनि प्रभावित भएका छन्। प्रभावित सबै यात्रुलाई रिफन्ड वा वैकल्पिक मार्ग उपलब्ध गराइने फिनएयरले जनाएको छ।
फिनएयरका कम्युनिकेसन प्रमुख स्टिना तुनानेनका अनुसार यो निर्णय उक्त क्षेत्रको हवाई सुरक्षासम्बन्धी मूल्याङ्कनपछि लिइएको हो। “हामीले २३ जुन सोमबारका दिन स्थितिलाई पुनः समीक्षा गर्नेछौं,” तुनानेनले भनिन्।
फिनएयरले इराक, इरान, सिरिया, र इजरायलको हवाई क्षेत्रमा पूर्ण रूपमा उडान रोक्ने निर्णय गरेको छ। यो रोकलाई पछ्याउँदै, फिनएयरले दोहातर्फका मार्गहरू पुनःनिर्धारण गरेको थियो, जसले उडानको समय झन्डै एक घण्टा थपिएको थियो।
सुरक्षाका दृष्टिकोणले मध्यपूर्वको अवस्था पछिल्ला केही दिनमा जटिल बनेको छ र अन्तर्राष्ट्रिय एयरलाइन्सहरूले उच्च-जोखिमयुक्त हवाई क्षेत्र उपयोग नगर्ने निर्णय गरेका छन्।
फिनएयरले आफ्नो प्राथमिकता यात्रु सुरक्षा र सञ्चालन सुरक्षामा राख्ने भन्दै आगामी उडानहरूको निर्णय सम्बन्धित निकायहरूसँग समन्वय गर्दै लिने बताएको छ।
फिनएयरले इराक, इरान, सिरिया, र इजरायलको हवाई क्षेत्रमा पूर्ण रूपमा उडान रोक्ने निर्णय गरेको छ।
फिनएयरको दोहा-हेलसिन्की मार्ग कतार एयरवेजसँगको साझेदारी अन्तर्गत सञ्चालन भइरहेको थियो, जसले एशिया, अफ्रिका र ओसियानियाका विभिन्न स्थानहरूमा यात्रुहरूलाई पहुँच दिन्थ्यो। लामो समयसम्मको यो स्थगनले हेलसिन्कीलाई ट्रान्जिट हबका रूपमा प्रयोग गर्ने यात्रुहरूमाथि असर पार्नेछ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
