📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- ‘ह्यानेस’ हिउँदे आँधीले देशका विभिन्न भागमा बनायो जनजीवन अस्तव्यस्त।
- फिनल्यान्डका करिब १ लाख ७० हजार घरमा विद्युत् सेवा अवरुद्ध।
- कित्तिला विमानस्थलमा दुई विमान ट्याक्सीवेबाट चिप्लिएर हिउँको थुप्रोमा पुगे।
फिनल्यान्डमा शनिबार आएको ‘ह्यानेस’ नामक शक्तिशाली हिउँदे आँधीले देशका विभिन्न भागमा जनजीवन अस्तव्यस्त बनाएको छ।
समुद्री तटीय क्षेत्रमा ३० मिटर प्रतिसेकेन्डभन्दा बढीको गतिमा चलेको हावा र उत्तरी क्षेत्रमा भएको भारी हिमपातले ठूलो क्षति पुर्याएको अधिकारीहरूले बताएका छन्।
प्रहरी र उद्धार निकायका अनुसार आँधीका कारण शनिबार रातिसम्म फिनल्यान्डका करिब १ लाख ७० हजार घरमा विद्युत् सेवा अवरुद्ध भएको थियो।
खास गरी पश्चिमी र दक्षिण-पश्चिमी तटीय क्षेत्रमा बिजुलीका खम्बाहरू ढल्दा र रुखहरू तारमा खस्दा समस्या देखिएको हो।
लापल्यान्डको कित्तिला विमानस्थलमा तीव्र हावाका कारण दुईवटा विमानहरू ट्याक्सीवेबाट चिप्लिएर हिउँको थुप्रोमा पुगेका थिए।
स्विस इन्टरनेसनल एयरलाइन्सको एउटा विमान र अर्को एउटा सानो व्यावसायिक विमान दुर्घटनामा परे पनि कोही घाइते नभएको जानकारी दिइएको छ।
खराब मौसमका कारण इभालो र रोभानिएमी लगायतका विमानस्थलमा उडानहरू केही समयका लागि स्थगित गरिएका थिए।
हेलसिन्की विमानस्थलमा पनि रात्रिकालीन उडानहरूमा केही प्रतिबन्धहरू लगाइएको थियो।
खराब मौसमका कारण इभालो र रोभानिएमी लगायतका विमानस्थलमा उडानहरू केही समयका लागि स्थगित गरिएका थिए।
फेरी तथा क्रुज जहाजहरूको सेवा बन्द
समुद्री क्षेत्रमा पनि आँधीको ठूलो प्रभाव देखिएको छ जहाँ छालहरूको उचाइ ७ मिटरसम्म पुगेको थियो। यसले गर्दा आर्कपेलागो सी र बोथनियाको खाडीमा चल्ने धेरै फेरी तथा क्रुज जहाजहरूको सेवा बन्द गरियो।
सडक यातायातमा पनि हिउँ र चिप्लोपनका कारण यात्रा जोखिमपूर्ण बनेको छ। लापल्यान्ड र पूर्वी क्षेत्रहरूमा १५ सेन्टिमिटरसम्म हिउँ परेको र ‘भिजिबीलिटी’ निकै कम भएको बताइएको छ।
मौसमविद्हरूले यो आँधीपछि अर्को सातादेखि तापक्रम अझै घट्ने चेतावनी दिएका छन्।
उत्तरतर्फको चिसो हावा फिनल्यान्डतर्फ बहने क्रममा तापक्रम माइनस ३५ डिग्री सेल्सियससम्म पुग्न सक्ने अनुमान गरिएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
