📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- फिनल्यान्डको इतिहासमा पहिलो पटक उत्तर अमेरिकाका लागि आइसब्रेकर जहाज निर्माण गरिँदै।
- ‘पोलार म्याक्स’ नामक यो जहाज १३८ मिटरभन्दा लामो हुने र सन् २०३० मा बनिसक्ने।
- २ अर्ब युरोभन्दा बढी लागत, ५०० नयाँ रोजगारी सिर्जना हुने।
फिनल्यान्डको हेलसिन्कीमा रहेको शिपयार्डले एउटा ऐतिहासिक सम्झौता गरेको छ। सम्झौता अन्तर्गत उत्तर अमेरिकाका लागि पहिलो पटक फिनल्यान्डमा निर्मित आइसब्रेकर (बरफ तोड्ने जहाज) तयार पारिनेछ।
‘पोलार म्याक्स’ नाम दिइएको यो विशाल जहाज क्यानडा सरकारका लागि निर्माण गरिनेछ। यसले हेलसिन्की क्षेत्रमा सयौं रोजगारीको ढोका खोल्ने विश्वास गरिएको छ।
सम्झौता हेलसिन्की शिपयार्डको स्वामित्वमा रहेको क्यानेडियन कम्पनी ‘डेभी’ (Davie) र क्यानडा सरकारबीच भएको हो।जहाज निर्माणको कुल लागत करिब ३.२५ अर्ब क्यानेडियन डलर (लगभग २ अर्ब युरोभन्दा बढी) रहेको छ।
हेलसिन्की शिपयार्डका प्रमुख कार्यकारी अधिकृत किम साल्मीका अनुसार फिनल्यान्डसँग जहाज डिजाइन र निर्माणमा विश्वमै अद्वितीय र अग्रणी क्षमता रहेको छ। यो परियोजनाले युरोपेली र उत्तर अमेरिकी शिपयार्डहरू बीचको सहकार्यमा नयाँ इतिहास रच्ने अपेक्षा गरिएको छ।
यो आइसब्रेकर १३८.५ मिटर लामो हुनेछ र यसको निर्माण कार्य हेलसिन्कीमा सुरु भएर क्यानडाको क्युबेकमा सम्पन्न हुनेछ। जहाज निर्माणको प्रारम्भिक चरणमा आवश्यक पर्ने स्टिलका ब्लकहरू फिनल्यान्डको पोरीमा उत्पादन गरिनेछ।
सन् २०३० मा सम्पन्न भएपछि ‘पोलार म्याक्स’ क्यानडाको सबैभन्दा बहुउपयोगी ध्रुवीय जहाज बन्नेछ। यसले वर्षैभरि क्यानडाको क्षेत्रीय सुरक्षा, वैज्ञानिक अनुसन्धान, वातावरणीय संरक्षण, तेल चुहावट नियन्त्रण र आपतकालीन उद्धार जस्ता महत्त्वपूर्ण कार्यहरूमा सेवा पुर्याउनेछ।
यो परियोजना क्यानडाको राष्ट्रिय जहाज निर्माण रणनीतिको हिस्सा भएको जनाइएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
