📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go…संक्षेपमा.
- हेल्सिन्कीका ८९% यात्रुहरू सार्वजनिक यातायात सेवाबाट सन्तुष्ट।
- युरोपका ३० शहरहरूमध्ये हेल्सिन्की चौथो स्थानमा।
- स्विट्जरल्यान्डको जुरिक शहर पहिलो स्थानमा।
हेलसिंकीको सार्वजनिक यातायात युरोपकै उत्कृष्ट मध्य एक रहेको पाइएको छ। युरोपेली आयोगको नवीनतम यूरोब्यारोमिटर सर्वेक्षणका अनुसार फिनल्याण्डको राजधानी हेलसिंकीले आफ्नो सार्वजनिक यातायात सेवामा युरोपका सर्वाधिक सन्तुष्ट शहरहरूमध्ये स्थान बनाएको छ। हेलसिंकीका ८६% बासिन्दाहरूले आफ्नो शहरको सार्वजनिक यातायात प्रणालीप्रति सन्तुष्टि जनाएका छन्, जुन युरोपेली औसत ६९% भन्दा निकै माथि छ।
उत्तरी र मध्य युरोपका अन्य शहरहरूले पनि यस अध्ययनमा उत्कृष्ट प्रदर्शन गरेका छन्। अष्ट्रियाको भियना र चेक गणराज्यको प्रागले ८९% सन्तुष्टि दरका साथ शीर्ष स्थान हासिल गरेका छन्। स्वीडेनको स्टकहोममा सन्तुष्टि दर ८८% रहेको छ। दक्षिणी र पूर्वी युरोपेली शहरहरूमा भने सार्वजनिक यातायात सेवाप्रति कम सन्तुष्टि देखिएको छ।
हेलसिंकीको सार्वजनिक यातायात प्रणालीका विभिन्न पक्षहरूमध्ये सुरक्षा सबैभन्दा उच्च मूल्याङ्कित विशेषता रह्यो। सुरक्षामा ९०% बासिन्दाहरूले सकारात्मक प्रतिक्रिया दिए। यसैगरी ८२% ले यातायात समयमै आउने र ७६% ले विश्वसनीयताप्रति सन्तुष्टि व्यक्त गरे।
सन् २०३५ सम्म कार्बन तटस्थ बन्ने लक्ष्य हेलसिंकीले लिएको छ।
हेलसिंकीले आफ्नो सार्वजनिक यातायात प्रणालीलाई आधुनिकीकरण गर्न विभिन्न प्रयासहरू गरेको छ। यसमा डिजिटल टिकेटिङ प्रणाली, रियल-टाइम यात्रा जानकारी र HSL मोबाइल एपको विकास लगायत छन्। यस्ता सुबिधाहरूले यात्रुहरूलाई यात्रा योजना बनाउन र टिकेट किन्न सजिलो बनाएको छ।
हेलसिंकीले वातावरणमैत्री यातायात प्रणालीमा पनि ध्यान केन्द्रित गरेको छ। बसहरूलाई बिजुलीबाट चलाउने र ट्राम नेटवर्क विस्तार गरि प्रदूषण कम गर्ने लक्ष्य राखिएको छ। सन् २०३५ सम्म कार्बन तटस्थ बन्ने लक्ष्य हेलसिंकीले लिएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
