📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- गत वर्ष आमाबाबु बनेका आधाभन्दा कमले मात्रै थप सन्तान चाहेको बताए।
- पैसा वा घरभन्दा पनि थकानका कारण परिवारहरू बच्चा पाउन अनिच्छुक।
- फिनल्यान्डको जन्मदर अपेक्षाभन्दा छिटो घटिरहेको सरकारी प्रतिवेदनले देखायो।
फिनल्यान्डमा गरिएको एक नयाँ सर्वेक्षणले यहाँका नयाँ आमाबाबुहरू एकभन्दा बढी सन्तान जन्माउन हिच्किचाइरहेको देखाएको छ। उनीहरूले यसको मुख्य कारण पैसा वा घरको समस्या नभई अत्यधिक थकान भएको बताएका छन्।
आधुनिक अभिभावकत्वको दबाब र अर्को बच्चा हुर्काउन सक्ने क्षमतामा शङ्काका कारण धेरैले एउटै सन्तानमा चित्त बुझाउन खोजेको देखिन्छ।
फिनिस इन्स्टिच्युट फर हेल्थ एन्ड वेलफेयर (THL) ले गरेको सर्वेक्षणअनुसार गत वर्ष आमाबाबु बनेकामध्ये ४४ प्रतिशतले मात्रै अर्को सन्तान चाहेको बताएका हुन्। यो सन् २०२० को सर्वेक्षणभन्दा ५ प्रतिशतले कम हो।
सर्वेक्षणमा लगभग १२,००० अभिभावकहरूलाई सामेल गरिएको थियो, जसमा ७,५०० भन्दा बढी आमा र ४,५०० बुबाहरू थिए।
धेरै आमाबाबुले अर्को बच्चा हुर्काउन सक्नेमा शंका व्यक्त गरेका छन्।
धेरै आमाबाबुले अर्को बच्चा हुर्काउन सक्नेमा शंका व्यक्त गरेका छन्।
सन् २०२५ को एक सरकारी प्रतिवेदनअनुसार फिनल्यान्डको जन्मदर यो दशकमा अपेक्षा गरेभन्दा तीव्र गतिमा घटेको छ। विशेषगरी पहिलो पटक बच्चा जन्माउनेहरूको संख्यामा आएको कमीले यसमा ठूलो प्रभाव पारेको छ।
यो वर्षको पहिलो नौ महिनामा भने जन्मदरमा सामान्य वृद्धि देखिएको छ, जसले लामो समयदेखिको निराशाजनक तथ्याङ्कमा केही आशा जगाएको छ।
फिनल्यान्डको तथ्याङ्क विभागका अनुसार यो वर्षको जनवरीदेखि सेप्टेम्बरसम्ममा गत वर्षको सोही अवधिको तुलनामा १,३०० बढी शिशुहरू जन्मिएका छन्।
पछिल्लो १२ महिनाको कुल प्रजनन दर (Total Fertility Rate) १.२८ पुगेको छ, जुन २०२३ र २०२४ को भन्दा बढी हो। तर, यो अझै पनि फिनल्यान्डको २५० वर्षको इतिहासमा तेस्रो सबैभन्दा कम हो।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
