📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goफिनल्यान्डको राजधानी हेलसिन्कीको मिकोनकातुमा बिहीबार राति भएको छुरा प्रहारमा गम्भीर घाइते बनेका ४२ वर्षीय पुरूषको उपचारका क्रममा मृत्यु भएको छ।
छुरा प्रहारको घटना राति १०:२६ बजे हेलसिन्कीको टोकियो काराओके बार अगाडि भएको थियो।
प्रहरीका अनुसार सन् १९८३ मा जन्मेका ती पुरुषलाई शरीरको माथिल्लो भागमा पटक–पटक छुरा प्रहार गरिएको थियो।
प्रहरीले घटनास्थलबाटै दुई जना युवालाई हत्याको आशंकामा पक्राउ गरेको थियो। पक्राउ परेका दुवै जना सन् २००० पछि जन्मेका हुन्।
अनुसन्धान अधिकृत तुओमास लिन्डहोमका अनुसार पीडित र आक्रमणकारीहरू एक अर्कालाई पहिलेदेखि नै चिन्थे। उनीहरू एउटै समूहमा बसेर साँझको समय बिताइरहेका थिए।
छुरा प्रहार हुनुअघि उनीहरू नजिकैको अर्को बारमा सँगै थिए। त्यहाँ उनीहरूबीच केही विवाद भएको र त्यसपछि बारबाट बाहिर निस्केको प्रहरीले जनाएको छ।
छुरा प्रहारको घटनापछि एतेनेउम कला संग्रहालय पछाडि रहेको उक्त बारलाई खाली गराइएको थियो।
अनुसन्धान अधिकृत लिन्डहोमले यो घटनाबाट सर्वसाधारणका लागि कुनै थप खतरा नरहेको विज्ञप्तिमा उल्लेख गरेका छन्। प्रहरीले घटनाको थप कारण र परिस्थितिबारे अनुसन्धान जारी राखेको जनाएको छ।
हेलसिन्कीको मिकोनकातु क्षेत्र पर्यटक र स्थानीयका लागि निकै व्यस्त व्यापारिक केन्द्र मानिन्छ। त्यहाँ धेरै रेस्टुरेन्ट, पसल र बारहरू रहेका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
