📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- करिब २०० विदेशी ठगी र श्रम शोषणको सिकार, ५० भन्दा बढी नेपाली मात्र।
- फिनल्यान्डको इतिहासकै ठुलो मानव बेचबिखनको अनुसन्धान बन्न सक्ने अधिकारीहरूको भनाइ।
- केही कामदारहरू फिनल्यान्ड केही समय बसेपछि अरू देश गएको खुलासा।
फिनल्यान्डका वनमा काम गर्न भनी ल्याइएका दर्जनौं नेपालीहरू मानव बेचबिखनको शिकार भएको हुनसक्ने विषयलाई यहाँका प्रमुख सञ्चारमाध्यमहरूले प्राथमिकताका साथ लेख्न सुरू गरेका छन्।
हेलसिन्की सानोमात, YLE, MTV, Ilta-Sanomat लगायतका थुप्रै फिनिस मिडियाले आज उक्त प्रकरणबारे समाचार लेखेका छन्।
हेलसिन्की सानोमातले सो घटना फिनल्यान्डको इतिहासकै सबैभन्दा ठूलो मानव बेचबिखन सम्बन्धी अनुसन्धान बन्नसक्छ भनेर लेखेको छ।
घटनामा हालसम्म कम्तिमा १७९ पीडित रहेको र पाँच जनालाई पक्राउ गरिएको पनि सञ्चारमाध्यमहरूले जनाएका छन्। पीडित हुनेमा नेपाली मात्र ५० भन्दा धेरै छन्।
नेपालीलाइनेनले करिब दुई हप्ताअघि (१ नोभेम्बरमा) यो विषय पहिलो पटक बाहिर ल्याएको थियो। नेपालीलाइनेनले त्यसयता उक्त विषयमा ‘फलोअप स्टोरी’हरू प्रकाशित गरिरहेको छ र उक्त समाचार अंग्रेजी भाषामा समेत प्रकाशित गरेको छ।
केही मानिसहरू फिनल्यान्ड आए लगत्तै वा छोटो बसाइपछि युरोपका अन्य देशहरूमा गएको पनि अनुसन्धानबाट खुलेको छ।
अहिले फिनिस मिडियाले पनि उक्त विषयलाई प्रमुखताका साथ उठाएका हुन्।
हेलसिन्की सानोमातले “विदेशी मुलका कम्पनी मालिकले नेपाली भर्तीकर्ताहरूसँग मिलेर नेपालीहरूलाई झूटो जानकारी दिएर फिनल्यान्ड बोलाएको आशंका छ,” भनेर लेखेको छ। कामदार ल्याउने कम्पनीमा एक फिनिस महिला पनि रहेको उसले जनाएको छ।
फिनिस बोर्डर गार्डले घटनाको अनुसन्धान गरिरहेको YLE ले जनाएको छ। अधिकारीहरूले करिब २०० जनालाई अवैध रूपमा फिनल्यान्ड ल्याइएको हुनसक्ने आशंका गरेको पनि YLE ले लेखेको छ।
इल्ता-सानोमातले सोत्कामोमा दर्ता भएका दुईवटा वन क्षेत्रका कम्पनीहरू मार्फत मानिसहरूलाई अवैध रूपमा फिनल्यान्ड ल्याइएको आरोप छ भनेर लेखेको छ।
इल्ता-सानोमातले यो गतिविधि सन् २०२४ र २०२५ मा भएको र यी कम्पनीहरूको भिसा र आवासीय अनुमतिमा जम्मा १७९ जना फिनल्यान्ड प्रवेश गरेको उल्लेख गरेको छ।
फिनल्यान्डको बोर्डर गार्डले सबैलाई वनको काम उपलब्ध नगराइएको आशंका गरेको छ। नेपालीलाइनेनसँग सम्पर्कमा रहेका पीडितहरूले पनि उक्त कुराको पुष्टी गरेका छन्।
केही मानिसहरू फिनल्यान्ड आए लगत्तै वा छोटो बसाइपछि युरोपका अन्य देशहरूमा गएको पनि अनुसन्धानबाट खुलेको छ।
नोटः ‘हेलसिन्गिन सानोमात’ पत्रिकाको नामलाई बढी पाठकमैत्री बनाउन नेपालीमा लेख्दा हामीले ‘हेलसिन्की सानोमात’ भनेर लेख्ने गरेका छौँ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
