📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- फिनएयरले सोमबारका लागि तय भएका ११० उडान रद्द गर्ने।
- हडतालले ग्राउन्ड ह्यान्डलिङ र क्याटरिङ सेवामा समेत असर गर्ने।
- प्रभावित यात्रुहरूलाई वैकल्पिक उडान वा रिफन्डको व्यवस्था।
फिनल्यान्डको राष्ट्रिय विमान सेवा फिनएयरले श्रमिक संघको चार घण्टे हडतालका कारण सोमबार करिब ११० उडान रद्द गर्ने भएको छ। फिनिश एभिएसन युनियन (IAU) ले एभिएसन सेवाको सामूहिक सम्झौता नवीकरणको सन्दर्भमा मध्यस्थकर्ताको प्रस्ताव अस्वीकार गरेपछि हडतालको घोषणा गरेको हो।
हेलसिन्की विमानस्थलमा विभिन्न सिफ्टमा हुने हडतालका कारण ग्राउन्ड ह्यान्डलिङ र खानपान सेवा समेत प्रभावित हुने एयरलाइन्सले जनाएको छ। यस निर्णयबाट करिब १४,००० यात्रुहरू प्रभावित हुने अनुमान गरिएको छ।
विगत केही महिनादेखि फिनएयर श्रमिक आन्दोलनबाट प्रभावित हुँदै आएको छ। हडतालकै कारण मे १६ मा ६० उडान, मे ५ मा १०० उडान, मे २ मा १४० उडान र मार्च २७ मा ७० उडान रद्द गर्नु परेको थियो।
एयरलाइन्सले रद्द भएका उडानका यात्रुहरूलाई वैकल्पिक मार्ग प्रदान गर्ने वा टिकट रकम फिर्ता लिन सक्ने व्यवस्था मिलाएको छ। प्रभावित यात्रुहरूलाई क्यान्सिलेसनको जानकारी दिइने र त्यसपछि वैकल्पिक उडानको प्रस्ताव गरिने कम्पनीले जनाएको छ।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
