📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Goसंक्षेपमा
- राष्ट्रपति अलेक्जेन्डर स्टबसमक्ष ओहोदाको प्रमाणपत्र पेश।
- हेलसिन्कीमा नेपाली दूतावास खोल्ने मागमा छलफल।
- राहदानी, बीमा र यात्राका समस्याबारे सुनिन् गुनासो।
डेनमार्कका लागि नेपाली राजदूत तथा फिनल्यान्डका लागि गैर आवासीय राजदूत सूम्निमा तुलाधरले हेलसिन्कीमा नेपाली समुदायसँग भेटघाट र अन्तरक्रिया गरेकी छन्।
उनले हिजो मार्च २० मा फिनल्यान्डका राष्ट्रपति अलेक्जेन्डर स्टबसमक्ष राष्ट्रपतीय निवासमा आफ्नो ओहोदाको प्रमाणपत्र पेस गरेकी हुन्।
गैर आवासीय नेपाली सङ्घ (एनआरएनए) फिनल्यान्डले आयोजना गरेको आजको कार्यक्रममा राजदूत तुलाधरले नेपालीका विविध जिज्ञासाको जवाफ दिएकी थिइन्।
छलफलमा राहदानी समस्या, बिमा, यात्राका कठिनाइ, विद्यार्थीहरूले भोगिरहेका समस्या र हेलसिन्कीमा नेपाली दूतावास स्थापना गर्ने विषयले प्राथमिकता पाएका थिए।
कार्यक्रममा एनआरएनए फिनल्यान्डका अध्यक्ष योगेन्द्र सङ्ग्रौला, उपाध्यक्षहरू ताराप्रसाद सापकोटा र विष्णु अर्याल, महासचिव पारस शर्मा र महिला संयोजक वर्षा खनाल लगायत सहभागी थिए।
भान्ता नगरपालिकाका सिटी काउन्सिलर शेखर आचार्य पनि कार्यक्रममा उपस्थित थिए।
राजदूत तुलाधरले गत वर्ष फेब्रुअरीमा आफ्नो पदभार समालेकी हुन्। राजदूत हुनुभन्दा अघि उनी नेपालमा बाल अधिकारको क्षेत्रमा लामो समयदेखि सक्रिय थिइन् र बाल मजदुर सरोकार केन्द्र (सिविन) को नेतृत्वमा थिइन्। उनी नागरिक अगुवा तथा नेपालको मानव अधिकार र शान्ति प्रक्रियाका महत्त्वपूर्ण व्यक्तित्व पद्मरत्न तुलाधरकी छोरी हुन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
