📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go…संक्षेपमा.
- पासपोर्टको वैधता अवधि ५ बाट बढेर १० वर्ष हुने।
- इलेक्ट्रोनिक पासपोर्टको आवेदन शुल्क ५३ युरो।
- नयाँ नियम कार्यान्वयन हुन कम्तीमा २ वर्ष लाग्ने।
फिनल्याण्ड सरकारले फिनिश पासपोर्टको अधिकतम मान्यता अवधि पाँच वर्षबाट बढाएर दश वर्ष पुर्याउने निर्णय गरेको छ। प्रधानमन्त्री पेत्तेरी ओर्पो नेतृत्वको सरकारको मध्यावधि समीक्षा बैठकपछि यो निर्णय सार्वजनिक गरिएको हो। यद्यपि, सुरक्षासम्बन्धी कारणले आवश्यक परेमा यो अवधिमा अपवादहरू हुन सक्ने पनि जनाइएको छ।
पासपोर्टको अवधि दश वर्ष पुर्याउने प्रस्ताव करिब एक वर्षअघि नै सत्तारुढ दलहरूको संसदीय समूहको एक कार्यदलले गरेको थियो। सन् २००६ पछि अहिलेसम्म फिनल्यान्डमा पाँच वर्षे अवधिको पासपोर्ट प्रचलनमा रहेको थियो।
सन् २००६ मा पासपोर्टको अवधि दश वर्षबाट घटाएर पाँच वर्षमा झारिएको थियो। त्यतिबेला बायोमेट्रिक पहिचान (अनुहारको तस्बिर र औंठाछाप) राहदानीमा थपिएकाले यस्तो परिवर्तन गरिएको थियो। यो परिवर्तन सन् २००४ मा पारित ईयूको नियमअनुसार गरिएको थियो, जसको पृष्ठभूमिमा सन् २००२ मा अमेरिकामा पारित सीमा तथा भिसा सुरक्षा अभिवृद्धि गर्ने कानुन थियो। सोहि समयमा अस्थायी राहदानी प्राप्त गर्ने सर्तहरू पनि कडा पारिएको थियो भने सामूहिक राहदानीको प्रयोग पनि हटाइएको थियो।
लगभग दुई दशकको पाँच वर्षे अवधिको अभ्यासपछि फिनल्याण्डले पुनः पासपोर्टको अधिकतम मान्यता अवधि दश वर्ष पुर्याएको छ।
यस वर्षको सुरुदेखि इलेक्ट्रोनिक पासपोर्ट आवेदन शुल्क ९ युरो बढेर ५३ युरो पुगेको छ भने व्यक्तिगत रूपमा प्रहरी कार्यालयमा आवेदन दिँदा भने ५७ युरो तिर्नुपर्छ।
प्रधानमन्त्री पेत्तेरी ओर्पो सरकारको मध्यावधि समीक्षाका निर्णयहरू बुधबार साँझ सार्वजनिक गरिएका थिए।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
