📺 नेपालीलाइनेनका भिडियोहरू अब YouTube मा हेर्नुहोस्।
▶️ Let's Go.संक्षेपमा.
- सांसद इमेली पेल्तोनेनको ३० वर्षको अल्पायुमै आत्महत्याका कारण निधन।
- राजनीतिमा उनको यात्रा निकै सानो उमेरबाट सुरु भएको थियो।
- उनी स्वास्थ्य समस्याका कारण विगत केही महिनादेखि बिदामा थिए।
फिनल्यान्डको संसद भवनमा आज बिहान आत्महत्या गर्ने व्यक्ति सोसल डेमोक्र्याटिक पार्टी (SDP) का ३० वर्षीय सांसद इमेली पेल्तोनेन रहेको खुलेको छ।
पेल्तोनेन पहिलो पटक सन् २०२३ को चुनावमा ५,७४७ मत ल्याएर सांसदमा निर्वाचित भएका थिए। उनी संसदको प्रशासनिक समिति र कानून समितिका सदस्य थिए।
राजनीतिमा उनको यात्रा निकै सानो उमेरबाट सुरु भएको थियो। उनी १८ वर्षको उमेरमा Järvenpää शहरको नगर परिषद् सदस्यमा चुनिएका थिए।
केवल २२ वर्षको उमेरमा उनी नगर परिषद्को अध्यक्ष बनेका थिए। Järvenpää को इतिहासमा उनी सबैभन्दा कम उमेरका अध्यक्ष हुन्। उनले हेलसिन्की विश्वविद्यालयबाट सन् २०२० मा राजनीतिशास्त्रमा स्नातकोत्तर गरेका थिए।
पेल्तोनेन गत जुन महिनादेखि स्वास्थ्य समस्याका कारण बिरामी बिदामा थिए। उनले सामाजिक सञ्जालमार्फत आफूलाई मिर्गौलामा समस्या देखिएको र पछि उपचारका क्रममा ब्याक्टेरियाको संक्रमण भएको जानकारी दिएका थिए।
गत हप्ता मात्र उनले एक स्थानीय पत्रिकालाई आफू अझै केही समय बिदामा रहने बताएका थिए। हेलसिन्की प्रहरीले उनको निधनको खबर परिवारलाई दिइसकेको पुष्टि गरेको छ।
पेल्तोनेन एक सार्वजनिक व्यक्तित्व भएको र घटना संसद भवन जस्तो महत्त्वपूर्ण स्थानमा घटेकाले उनको नाम सार्वजनिक गरिएको फिनल्यान्डका स्थानीय संचार माध्यमहरूले जनाएका छन्।
नेपालीलाइनेनबाट थप:
निर्मल पुर्जाको मृत्युपछि पूर्व मिस फिनल्यान्डलाई 'हेट मेसेज'को वर्षा, ज्यान मार्ने धम्की
एसडिपीको नयाँ 'आप्रवासी नीति'ले फिनिस राजनीति तरङ्गितः के छ आप्रवासी नेताको मत?
हेलसिन्की-तालिन सुरुङ रेलमार्गको चर्चा फेरी सुरू, निर्माण सम्पन्न भए हुनेछ 'गेम चेन्जर'
समुद्रमा तैरिने सहर: यस्ता छन् फिनल्यान्डमा बनेका संसारकै सबैभन्दा ठुला पानीजहाज
प्रिय पाठक, हाम्रो 'सहयोगी सदस्य' बनी हाम्रो कामलाई सघाउनुहोस्। साथै हाम्रा सबै प्रिमियम सामाग्री पढ्नुहोस्।
